Юуны өмнө та бүү сандраарай. Тэмцэгч Мөнхбаяр нар шиг тэсэрч дэлбэрэх бөмбөгөөр эрхэм гишүүдийг сандаргасан юм биш шүү. 
Өнөөдөр чуулганы хуралдааны танхим эрээн алаг хөөрхөн бөмбөгөөр чимэглэгдэв. 

Монголын Хөлбөмбөгийн холбооныхон эрхэм гишүүдэд энэ зун болох Дэлхийн аварга шалгаруулах тэмцээний бөмбөг бэлэглэсэн нь энэ.

Гоё юм аа. Зарим айлын хүүхэд “ориг” бөмбөг мөрөөдөөд ч барьж ч үзэж чадаагүй байхад... Хатуу харуул хамгаалалттай төрийн ордонд бөмбөг “нэвтрүүлж”, бүр гишүүн болгоны ширээн дээр бөмбийлгөж чаддаг энэ холбооныхон ч бас сүйхээтэй, лоббитой л юм. 

Түүнээс гадна Монголын хөл холбооныхон  Ази тивийн орнуудын хөлбөмбөгийн клубүүдийн дунд зохион байгуулдаг тавдугаар сарын 1-6-нд болох Азийн хөлбөмбөгийн холбооны Ерөнхийлөгчийн нэрэмжит цомын тэмцээний урьдчилсан шатны тоглолтын тасалбарыг 76 гишүүнд бэлэглэж байгаа юм байна.

Тэгэхээр эрхэм гишүүдээ, бөмбөгөө тэврээд тэмцээн рүүгээ марш.

Уг нь заримдаа ч УИХ-ын гишүүд рүү “өөр” бөмбөг шидчихмээр үе байдаг л юм.