Монголд болж бүтэхгүй байгаа бүхний үүрийг засч орхиод өөрөө гадаадад биеэ эмчлүүлнэ гэсэн нэрийдлээр тарвалзаж яваа гэсэн шүүмж залхтал илгээсэн ч Санжийн Баяр таг чиг. 

Нью-Йоркийн Манхэтэн дүүрэг дэх тансаг хаусныхаа гадаа зүлгээ усалсан шигээ зогсч байна гэх зураг нь бөөн шуугиан болсон ч мань эр таг чиг. 
Хэвээр харин “тэрээр” өнөөдөр гэнэт амь орж, фэйсбуук найзууддаа мэндчилгээ дэвшүүлсэн байх юм.  

Нүүр номын ертөнцөд Санжийн Баяр гэсэн нэртэй нөхөр “Баярласан сэтгэл, мэнд мэдэж амжилт хүсэж байгаа та бүхэнд баярлаж байна. Би бүх захиа илгээмжүүдийг үзэж, уншиж, сонирхож та бүхний бодлыг хүндэтгэн үзэж байгаа. Баярлалаа” гэсэн байна. Хэн ямар амжилт хүсээд юунд хэн ч баярлаад байгаа юм, бүү мэд. 

Тэрээр” хашилтад хийсний учрыг ч та бүхэн мэдэж байгаа байх. Үнэндээ бол хэний ч нэрээр ямар ч хуудас нээж болдог болсон цаг. Хууль зүй сайдтай манаргасан гээд байгаа, одоо бол шоронд хоригдож байгаа охины өмнөөс ч нүүр ном нээчихсэн л байх юм, шоронг интернэтээр хангачихаагүй л юм бол. 

Гэтэл бас нүүр номын Санжийн Баяр “Чи Баяр мөн үү, та Баяр мөн үү гэж асуух юм. Худал Баяр бас байдаг юм уу” гэсэн байх юм.