Манай ерөнхийлөгч уг нь янзтай, донжтой хувцасладаг, “мэээдрэмж” сайтай эр сэн. Харин энэ удаагийн гар утасны гангараа нэг л биш ээ. Түмний өмнө үг хэлэхдээ эрт галвын үеийн гэхээр гар утас нь дуугарахад жишим ч үгүй ярьж зогсоог нь хараарай. Бүр нэг хамгийн сүүлийн супер ухаалаг утас барьчихсан юм шиг тэр харцны тавилт, талимааралт бол бас байна аа, байна.

Саяхан түүний дотны найз Төрийн соёрхолт Д.Болд хамгийн сүүлийн үеийн ухаалаг утас болох S5-ийг рекламдан ёстой бужигнуулж байна билээ. Залуу найзтайн хэрэг юу билээ, ерөнхийлөгч маань залуусын эгнээнд нэгдэж сэтгэлгээгээ залуужуулах бол алга урвуулах төдий хэрэг биз. Энэхүү содон агшныг харсан хүн болгон “Төрийн соёрхолт маань ерөнхийлөгч найздаа S5 авч өгдөггүй юмаа гэхэд ядаж санал болгосон болов уу?” гэж санаа тавьж харагдсан. Нээрээ бодоход ерөнхийлөгч маань үнэтэй утсаар гангардаг талаарх мэдээлэл нэг ч гарч байгаагүй юм байна шүү. Нэг юм бодно байгаа, Болд оо!