МАН-ынхан таван сонгуульд дараалсан ялагдалыг хүлээгээд уцаартайхан байгаа. МАН-ыг тарна гэсэн явган яриа дэгдсэнд ундууцсан намын гишүүн Ж.Эрдэнэбат "АН-ынхан өмнө нь тав байтугай сонгуульд ялагдаж байсан тохиолдол бий. Одоо болтол тараагүй л байна. Түүнчлэн нэг ч удаа олонхи болж үзээгүй Ногоон нам байгаа. Тэгэхээр эдгээр намыг яриагүй мөртлөө энэ том улс төрийн ууган, Монгол Улсынхаа тусгаар тогтнолын төлөө цусаа урсгаж явсан түүхтэй хүчнийг тараах талаар ярьж болохгүй асуудал. Яагаад МАН өнөөдөр том улс төрийн хүчин байж тарах ёстой гэж . Ийм юм хэзээ ч байхгүй. Үүнийг мөрөөдөж байгаа хүмүүст битгий сэрүүн зүүдэл гэж хэлмээр байна.  Улс төрийн хоёр том хүчин хоорондоо мэтгэлцэж, ярилцаж, зөвшилцөж байж  Монгол Улс зөв замаар хөгжинө. Ингэж байж ардчилсан Монгол Улс гэдэг нэртэй байна биз. Тэгэхгүйгээр улс төрийн том хүчнийг үгүйсгэж, үгүй болгож байгаад ганцхан АН гэдэг нам үлдээд БНМАУ болох гэж байгаа юм уу. Тэгээд коммунизм, социализм руугаа шилжих юм уу" хэмээн ихээхэн ундууцаж бухимдлаа илэрхийллээ.

Манай сайт танд таалагдаж байвал LIKE хийгээрэй. Танд баярлалаа.