Монгол Улсын Ерөнхийлөгчийн зургаа дахь удаагийн сонгууль амжилттай болж өнгөрлөө. Энэ удаагийн сонгуульд анх удаа эмэгтэй хүн нэр дэвшиж, хүчтэй өрсөлдөгчийн нэг байж чадсан онцлогтой хэмээн олон хүн ярих. Үнэхээр ч анхнаасаа АН МАН-ын хооронд ана мана, ач тач өрсөлдөөн бий болох нь тодорхой байсан энэ сонгуульд өрсөлдөж, тэр тусмаа Монголын мянга мянган ээж, бүсгүйчүүдийн төлөөлөл болон хүчээ үзсэн Н.Удвалд баяр хүргэх хэрэгтэй. СЕХ-ноос хийсэн мэдээллээр тус хорооны төв серверт МАХН-аас нэр дэвшигч Н.Удвалд 80563 сонгогч саналаа өгсөн гэсэн мэдээ иржээ. Энэ нь хэдийгээр бага үзүүлэлт боловч түүнийг эрчүүдээс дутахгүй шилдэг улстөрч байж чадна гэдгийг харуулж, баталж байгаа. Түүнээс үлгэр дууриалал авах олон эмэгтэйчүүд, бүсгүйчүүд байгаа. Ямартай ч анх удаа Монгол Улсын Ерөнхийлөгчийн сонгуульд эмэгтэй хүн нэр дэвшиж, түүхэнд нэрээ мөнхөлж чадлаа. Энэ бол том дэвшилт. Эрүүл мэндийн сайд Нацагийн Удвалын эр зориг мандан бадраг.

Манай сайт танд таалагдаж байвал LIKE хийгээрэй. Танд баярлалаа.