Ахмадын гэх тодотголтой “ахмад настан” Г.Баасан улс төрийн салбарт уухай хашгирч, цардмал талбайд цамцаа дэврүүлж явсаныхаа үр шимийг үзэж байгаа. Тиймдээ ч хэрүүл тэмцлээрээ хэнд ч дийлдэхгүй энэ авгай  сүүлийн үед нам гүмхэн байх болсон. Ерөнхий сайдын өмөг түшигт багтан, ерөөсөө битгий дуугараарай хэмээх үүрэг авч зөвлөхөөр нь суусан тэрээр “Зөв” бүхнийг дэмжиж зөвхөн Ц.Элбэгдоржид зүтгэсээр нэгэн жилийг өнгөрөөв. Энэ хооронд гэхдээ элдэв юм ярилгүй эмээ хүнийхээ үүргийг гүйцэтгэж байсан Г.Баасан өнөө маргаашгүй болох Ерөнхийлөгчийн сонгуульд өөрийн биеэр хүчин зүтгэж өмөөрч өмөлзөхдөө өнөөх муу МАН-ынхныг муулсаар ил гарсан нь хэвлэлийн нүүр хуудсыг хачирлаж байна. Нэг үгээр хэлбэл ардчилал бий болоод бараг 30 жилийн нүүр үзэх гэж байтал арай дэндүү дорой хөгжилтэй байгаа нь МАН-ынхны увайгүй үйлдэл, явуургүй бодлого гэж тэр үзэж байгаа гэнэ. Юутай ч таван удаа торны цаана суугаад үзчихсэн танхай эмээ өдгөө хууль зүйн чиглэлээр магистрт сурч байгаа бөгөөд өнгөрсөн жил МУИС-ийн Хуульзүйн сургуульд бакалавраа хамгаалсан билээ.

Манай сайт танд таалагдаж байвал LIKE хийгээрэй. Танд баярлалаа.