Өнгөрсөн хоёр сонгуульд өвдөг шороодож хүнд цохилтонд орсон МАН-ынханыг ялагдалынхаа шокноос гарч чадахгүй байгаа хэмээж байсан ч үгүй гэнэ. Тэд зүгээр л хямралд ороод байсан юм байна. Энэ талаар УИХ-ын экс гишүүн, МАН-ын ерөнхий нарийн бичгийн даргын зөвлөх Д.Очирбат нэгэн ярилцлагадаа онцолжээ. Тэрээр “Хүмүүсийн хэлээд байгаа шок гэдэг үг эмнэлгийн хэлээр ухаан алдчихсан, юу ч хийж чадахгүй болчихсон байдлыг хэлдэг. Тэгэхээр шок гэх нь хаашаа юм, хямрал гэвэл үнэнд нийцэх биз. Тэгвэл МАН хямралаас гарсан, одоо өмнөө зорилготой ажиллаж байна. Хамгийн чухал зүйл дараагийн шатны сонгуульд ялах, бидний зорилго ийм л байна” хэмээсэн.  Түүгээр ч барахгүй нэгэн үе тус намыг толгойлон удирдаж, үйл ажиллагаанд идэвхитэй оролцож ирсэн С.Баяр тэргүүтэй нөхөд амин хувиа хичээн алга болсоныг буруушааж байгаагаа дуулгалаа. “Ялагдсан үед нь намаа авч явна гэдэг том асуудал юм. Ялсан үед нь орж гарч гүйгээд байсан хүмүүс алга болчихсон. Бүгд л сургуульд суралцах, хэл сурах нэрээр гадагшаа, дотогшоо хувиа бодоод явчихсан. Зарим нь гэр бүлээрээ тэнд энд амьдарч байгаа дуулдах юм. Намын төлөө ажиллаж, бууриа сахиж үлдсэн хүмүүс сэтгэл гаргаж, хүнд даваануудыг давж л явна”

Манай сайт танд таалагдаж байвал LIKE хийгээрэй. Танд баярлалаа.