Монголын төрд засгийн газрын тэргүүнээсээ илүү нэр хүндтэй эрхэм бол Х.Баттулга. Бөхийн спорт тэр тусмаа жүдо бөхийн хөгжил цэцэглэлтэнд өөрийн хувь нэмрээ хангалттай оруулсан гавьяатай энэ эрхэм сүүлийн үед бөхчүүдээ арай л дэндүү дэмжээд байх шиг. Түүний татлаа түлхээсээр гарч ирсэн хэсэг залуус Монголын арай дөмөг гэсэн албан тушаалуудад хувиарлагдаж Х.Баттулга сайдын бат түших тулгуур нь болж яваа гэхэд бруудах зүйлгүй болов уу. Нэг үе дуучин Г.Эрдэнэтунгалагтай хайр сэтгэлийн романс үүсгэж дэр нэгтгэн улмаар нэг хүүхдийн эцэг, эх болоод байсан Улсын начин Б.Сэр-Од шүүхийн шийдвэр гүйцэтгэх ерөнхий газрын Тамгын газрын дарга болсон нь сайдын зассан зам гэх юм билээ. Угаас нэг нутгийн дүүгээ ийн дээш татсан нь Х.Баттулгын байр сууринд багахан ч болов нөлөөлөх учиртай. Үүнээс гадна “Эрдэнэт”-ийн захирлаар Аймгийн арслан Ц.Даваацэрэн хэмээх эрхмийг томилсон нь бас л Х.Баттулгын хийсэн ажил. Түүнчлэн дэлхийн аварга бөх ахынхаа буянд албан тушаалын одтой яваа эрхэм бол Б.Батзаяа.  “Монголын Төмөр Зам” ТӨХК-ийн гүйцэтгэх захиралаар  ажиллаж байсан  энэ залуугийн үндсэн мэргэжил нь багш  дасгалжуулагч. Х.Баттулгын  гарын хүн гэгдэх  тэрээр бас барилддаг байсан бөгөөд анх МОАХ-ны тэргүүн Х.Баттулгын бие хамгаалагчаар ажилладаг байсныг олон хүн мэдэх биз ээ.

Манай сайт танд таалагдаж байвал LIKE хийгээрэй. Танд баярлалаа.