Увс аймгаас УИХ-д нэр дэвшин ялалт байгуулсан гэх Б.Чойжилсүрэн, Ч.Хүрэлбаатар нарыг эргүүлэн татахаар болсон. Тодруулбал, энэ хоёр эрхэмд холбогдох хэргийг бүр олуулаа бүх суудалд нь суух тун сонирхолтой АН-ын нэхэмжилэлтэйгээр Захиргааны хэргийн шүүх хянан хэлэлцсэн.  Уг шүүх тэднийг иргэдийн саналыг худалдан авах зорилгоор бэлэн мөнгө тараасан, сонгуулийн сурталчилгаа хаах үед мэдээлэл цацсан, насанд хүрээгүй хүүхэд, төрийн жинхэнэ албан хаагчийг сурталчилгаанд оролцуулсан гэж үзэж УИХ-ын гишүүний түр үнэмлэх болон СЕХ-ны холбогдох тогтоолыг хүчингүй болгох шийдвэр гаргасан аж.  Ямартаа ч АН-ын эзэрхийлэлд суудалгүй болохыг шахаж байгаа УИХ-ын гишүүн Ч.Хүрэлбаатар “УИХ-ын сонгуулийн дараа Увс аймгаас сонгогдсон Б.Чойжилсүрэн гишүүн бид хоёртой холбоотой ташаа мэдээлэл олон удаа хэвлэлээр гарсан. Энэ бүхэнд бид хүлээцтэй хандаж ирсэн. Анхны шүүх хурал Захиргааны хэргийн шүүх дээр арваннэгдүгээр сард болж сонгуулийн тойргийн хорооны шийдвэрийг хэвээр үлдээсэн. Захиргааны хэргийн давж заалдах шатны шүүхээс уржигдар орой Ардчилсан намын нэхэмжлэлийг хангасан шийдвэр гаргалаа. Ямар ч байсан эхлээд шүүхийн шийдвэрийг албан ёсоор авна. Бид хоёрт давж заалдах эрх бий учраас дараагийн шатны шүүхэд хандана” хэмээн ярьсан байна.

Манай сайт танд таалагдаж байвал LIKE хийгээрэй. Танд баярлалаа.