УИХ-ын дарга  З.Энхболдод  өнөөдөр УИХ-ын гишүүн У.Хүрэлсүх гишүүнийхээ бүрэн эрхээс татгалзах хүсэлтээ  өгсөн байна. Уг нь МАН-ынхан ирэх долоо хоногт хуралдаж уг асуудлыг хэлэлцэх байсан ч тэрээр өнөөдөр өргөдлөө УИХ-ын даргад өгчихлөө. Харин УИХ-ын дарга түүнийг УИХ-ын гишүүний бүрэн эрхийг түдгэлзүүлэх эсэх нь одоогоор тодорхойгүй байна. Мэдээж түүнийг яагаад ийнхүү өргөдөлөө өгсөнийг хүмүүс янз бүрийн л байр сууринаас тайлбарлаж байна.  
Зарим эх сурвалжийн мэдээллээр эрхэм гишүүн бүрэн эрхээсээ татгалзах хүсэлтээ өгсөн нь эрүүл мэндийн шалтгааны улмаас урт хугацааны эмчилгээ хийлгэх шаардлагатай байгаа гэсэн. Мөн зарим нь Г.Баярсайхан гишүүнтэй маргалдсан маргаанаас үүдэлтэй гэж үзэж байгаа аж. Түүгээр ч барахгүй гишүүний бие бус гэргий нь гадаадад эмчилгээ хийлгэх шаарлагатай болсоноос ийнхүү өргөдөлөө өгөхөөр болж байгаа хэмээн тайлбарлах хэсэг байна. Ямартаа ч түүнийг асуудал тун удахгүй тодорхой болох биз ээ. Бид өмнө нь мэдээллэж байсанчилан түүнийг УИХ-аас гарсан тохиолдолд листээр дараагийн хүн болох Д.Сарангэрэл УИХ-ын гишүүний тангарага өргөх учиртай.

Манай сайт танд таалагдаж байвал LIKE хийгээрэй. Танд баярлалаа.