Өнгөрсөн УИХ-ын сонгуулийг тойрсон асуудал, маргаан намжиж амжаагүй л байна. Саяхан л гэхэд Өвөрхангай аймагт нэр дэвшсэн хүмүүсийн авилга өгсөн өгөөгүй талаар бөөн л маргаан үймээн дэгдээд буй. Тэгвэл 2012 оны сонгуульд МАН-аас нэр дэвшигч Ч.Хүрэлбаатар, Б.Чойжилсүрэн  Увс аймгийн сонгогчдод мөнгө тараасан, айлд мөнгө тараачихаад ухуулгын байр гэж хэлээрэй гэх мэтээр хууль зөрчсөн ноцтой зөрчил гаргаж төрийн эрхийг хууль бусаар авсан хэмээн хэрэгт холбогдоод буй.  Дээрх хоёрт холбогдох хэргийг  Увс аймгийн тагнуулын байгууллага шалгаж байсан гэнэ. Харин өнгөрсөн есдүгээр сард харьяаллын дагуу ТЕГ-ын Мөрдөн байцаах хэлтэст шилжүүлснээр ТЕГ мөрдөн байцаалтын ажиллагаа явуулж дууссан бөгөөд яллах дүгнэлт үйлдэж, прокурорын байгууллагад шилжүүлэхээр болсон гэх мэдээлэл гараад байгаа юм. Тэгэхээр тэдний гэм буруутай нь тогтоогдвол УИХ-ын гишүүнээс эргэн татах асуудал яригдах бололтой. Хэрвээ прокурорын байгууллага дээрх дүгнэлтийг хүлээн зөвшөөрвөл хөөрхий хоёрын оронд АН-аас нэр дэвшигч Д.Нямхүү, Т.Мэндсайхан нарын бүрэн эрх нь баталгаажиж тангараг өргөх учиртай.

Манай сайт танд таалагдаж байвал LIKE хийгээрэй. Танд баярлалаа.