Шинэ засгийн газар байгуулагдсанаас хойш улс төрийн амьдрал нэг л жаягаар хөврөх болсон. Толгойд байгаа хэдийгээ доор байгаа хэдэн нөхөр нь муулж, шоолж гоочлох гэх үү дээ. Бүр нэгнийгээ бүтсэн бүтээгүй худал үнэн халз мэтгэлзээн маягийн юманд урьдаг уламжлал тогтоод буй. Анхлан УИХ-ын гишүүн С.Ганбааатар УИХ-ын дэд дарга С.Баярцогтыг “дуэлд” дуудаад бүр өдөр хоногоо товлоод хэвлэлээр нь зар дуулган сенсаацилж байсан ч нам гүмхэн болж орхисон. Тэгвэл хэдхэн хоногийн өмнө ИЗЗН-ын дэд дарга Х.Бат-Ялалт хуульзүйн сайд Х.Тэмүүжинг нээлттэй ил тод, Олон нийтийн мэдээллийн хэрэгслийн өмнө шууд мэтгэлцээнд урьж байгаагаа мэдэгдээд амжсан.
Гэхдээ 1997 онд Цагдаагийн дээд сургуулийг хуульч, эрх зүйч мэргэжлээр төгссөнөөсөө хойш хууль зүйн салбарт хүчин зүтгэж яваа энэ эрхмийн урилгад өнөөх сайд нь одоо болтол хариу өгөөгүй байгаа. Цаашдаа ч өгөгхгүй биз. Бас л тэр мэтгэлзээнээ товлоод өнгөрөх байлгүй гэж бодох юм.