УИХ-ын чуулганы нэгдсэн хуралдаанаар Энхбаярын Батшугарыг Монголбанкны дэд ерөнхийлөгчөөр томилохыг чуулганы хуралдаанд оролцсон 48 гишүүний 41 нь дэмжсэн гэдгийг хүн бүр мэдсэн байх. Харин чухам яагаад ийн Монгол банкны дэд ерөнхийлөгчөөр сонгосон нь бүү мэд.  Уг нь энэ залууг УИХ-ын гишүүн болно хэмээн хэлтэй амтай бүхэн ярьж байсан. Тэр бүү хэл Татварын Ерөнхий газрын дарга асан Ц.Оюунбаатарыг хүртэл эцгээрээ гуйлган байж тангарага өргөхийг нь хойшлуулаад байсан удаатай. Гэвч Ц.Оюунбаатарыг УИХ-ын гишүүн болгохоор Э.Батшугарын амыг нь энэ суудлаар таглаадахсан болохоор ногоон гэрлээр ноён Ц.Оюунбаатар Их хуралд суух нь тодорхой болов. Ямартаа ч УИХ-ын гишүүн З.Баянсэлэнгийн хэлсэнээр өнөөдрийн МАХН-ын бүлгийн хуралдаанаар энэ асуудал эцэслэж тус намынхан хэнийгээ энэ суудалд залахаа шийдэх учиртай гэнэ лээ.