Н.Алтанхуягийн толгойлсон засгийн газрыг муулах шоолох хүн мундахгүй их болчихсон. Бүр Алтанхуягийн засгийн газрын 10 хар нүгэл гээд хүртэл цаагуур чинь гарчихсан байгаа.  Угтаа бол тэр жагсаалт нь үнэн. МУ-ын ерөнхий сайд Норовын Алтанхуяг ба түүний бараа бологсод болох засгийн газрын зарим нэг эд хөрөнгө, эрх мэдлийн төлөө сарвалзах эрхмүүдийн үйлдэл бүрээс болоод энэ Улсын төсөв “тэг” болчихсон байгааг дээр дооргүй хэлэх бас ярих. Гэвч энэ бүгдийн эсрэг ярихаасаа илүүтэй хийж байгаа зүйл алга. Хийх нь битгий хэл хамтрах санаа сэтгэлтэй хүмүүс харин зөндөөн буй байх. Уг нь энэ удаагийн эмх цэгцэндээ орсон засгийн газар өмнөх засгийн газраас арай шинэлэг давуу талтай үйл ажиллагаагаа эхэлсэн. Төрийн ордоноо түмнийх болгоод л, ядарсан зүдэрсэндээ мөнгө төгрөг өгөөд л, хаалттай биш нээлттэй хэлэлцүүлэг энэ тэр зохиогоод л... даанч харамсалтай нь тэр бүгдийнхээ хариуд тэнд байсан, улсын төсөвт байрласан хэдийгээ тавиад, тараагаад, цацаад дуусгачихсан. Одоо юугаараа яаж амьдрах болж байгааг бүү мэд. Дахиад Орос ах нартаа өр тавиад хэдэн жилийн дараа Н.Энхбаярыг араас нь гүйлгэх үү, эсвэл Ц.Элбэгдоржийгоо зарж идэх үү. Баян хүн лаагаа иднэ үү, луувангаа иднэ хамаагүй гэдэг ч байгалын баялаг, ард түмний хөрөнгөө идэж уух нь мань мэтээс эхлээд манай улсын та нараас бусад иргэд нь хамаатай л байх. Надад лав хамаатай. Тэр чинь миний эцэг эхийн бас Монголын ард түмний амьдралаасаа илүүчилсэн татварын хэдэн төгрөг болхооос биш Алтанхуяг тэргүүтэй “таргалалтын” армид хандивласан эд биш. Энэ байдлаараа амьдрал хийгээд Алтанхуягийн засгийн газар үйл ажиллагаагаа цааш үргэлжилүүлбэл Монголчуудыг элгээрээ мөлхөж ч мэдэх.
Ямартаа ч тэр хүмүүсийн хэлээд байгаа “Аатай” засгийн газрын 10 хар нүгэлийг хүргэе.
1.    Таван яам болон сайд нарын тоог нэмлээ
2.    АН-ын гишүүд дэмжигчдийн үзэл баримтлал үнэт зүйлийг уландаа гишгэн МАХН хэмээх коммунист үзэл баримтлалтай намтай нэгдэн орон нутгийн сонгууль, Ерөнхийлөгчийн сонгуульд хамтран оролцох гэрээ байгуулан Засгийн газарт урив.
3.    Талхны үнэ 210 төгрөгөөр нэмэгдэв
4.    Татварыг нэмэв
5.    Ах дүү, хамаатан садан, төрөл төрөгсөд, хүргэн бэрүүдээ Засгийн газрын томоохон албан тушаалуудад томилов
6.    Махны үнэ нэмэгдэв
7.    Долларын ханш 89 төгрөгөөр нэмэгдэн 1409 төгрөг болов
8.    Улсын төсөв 1.2 их наяд “цоорхой” үүсч түүнийг засах ямар ч арга хэмжээ хийсэнгүй
9.    УИХ-ын гишүүдийг Засгийн газрын гишүүн болгов
10.    Долларын өсөлтөөс болж өргөн хэрэглээний бараа бүтээгдхүүний үнэ өсөв
хэмээн жагсаасан байгаа юм. Энэ үнэн.

Манай сайт танд таалагдаж байвал LIKE хийгээрэй. Танд баярлалаа.