Монголын улс төр хэл ам, хэрүүл тэмцэлийн дор бөөн будлиан бужигнаан болон байж одоо л нэг эмх цэгцэндээ орох аядаж байгаа. Тэгтэл өөрсдийгөө олонхи хэмээн оодорч яваа хараацайнууд Засгийн газрын бүтцийг тэр чигээр нь өөрчилж яамдыг бараг 50 хувиар нэмээдэхсэн. Нэг үгээр хэлбэл АН-ынхан эцгийг нь эцээхгүй тугалыг нь тураахгүй байх үүднээс 11 байсан яамыг 16 болгон бүтцээ өөрчилсөн. Энэ тал дээр зарим нэг гишүүд эсрэг байр суурьтай байгаа. Ялангуяа “Бие даагчдын зөвлөл” хэмээгчийг байгуулсан гурван нөхөр. Тэднийг нэг Х.Болорчулуун хэмээх энэ эрхмийн хэлж буйгаар бол дээрх бүтэц төрийн албан хаагчдаас эхлээд дээр дооргүй баахан бужигнаан үүсгэх нь тодорхой. Түүний хувьд “Би хувьдаа яамдын тоог олон болгохыг таашаадаггүй юм. Монгол Улс түүхэндээ 8-11 яамтай явж ирсэн. Одоогийн байдлаар бараг 50 хувиар нэмчихлээ. Цаг үеийн шаардлагаар ганц хоёрыг нэмж болох ч өнөөдрийнх шиг ингэж олноор нэмэх нь буруу юм”. Түүгээр ч барахгүй бие даагчид хамтран энэ тал дээр дорвитой арга хэмжээ авахаар зэхэж байгаа гэнэ лээ. Ямартаа ч өмнөх засгийн газар, түүний өмнөх засгийн газар ч тэр ялгаагүй 11 яамаа арай гэж авч явж байсныг хүн бүр мэднэ.

Манай сайт танд таалагдаж байвал LIKE хийгээрэй. Танд баярлалаа.