Эрхэм сайд Н.Хүрэлбаатар энэ жилийн наадмын нээлт үзэхээр эхнэрийн хамт цайвар шаргал өнгийн дээлээр гоёж ирсэн нь бусдын нүдийг хужирлаж байлаа. Угаас цагаан өнгийг дээдэлж гоёлынхоо нэгэн хэсэг болгосон тэрээр цаст цагаан оргил, өндөр уулсыг шүтэж энэ тэрүүгээр явахдаа хүртэл ууланд гарч, оргилынх нь зургийг заавал авдаг хоббитой гэнэ лээ. Наадмын өмнөхөн Ховд аймгаар явахдаа Сутай хайрханы Ноёны хүрэн ууланд гарч, хийморио сэргээн, хайрханы зургийг харин ч нэг хангалттай дуран авайдаа буулгаснаа сонин болгон хуучилж байсан нь түүнийг хэр энгийн хүн болохыг илтгэх биз. 
Бүр Н.Хүрэлбаатар сайд өөрийнхөө авсан уулсын зургийг жаазлаад өрөөндөө өлгөсөн нь сайн хэвлэлттэй плакат шиг амьд, сүрлэг харагддагийг хүртэл тэр зүрх сэтгэлтэйгээ холбон тайлбарлаж байсан юм.  Ямартаа ч МАН цөөнх болж, Эрүүл мэндийн сайдын суудлаа өгөх гэж байгаа  ч Н.Хүрэлбаатар эрхмийн улс төрийн карьер  улам өсөж яваа, эрч хүчтэй нэгэн гэх олны яриа оргүй биш болов уу. Түүний гэргий эгэл даруу, нүдэнд дулаахан бүсгүй өнгөрсөн жил нэлээн моодонд орсон, эхлээд зохиолч, сэтгүүлч Б.Шүүдэрцэцэг өмсч, араас нь араас нь Эрүүл мэндийн дэд сайд Ж.Цолмон хатагтай тэргүүтэн өмссөн давхар уужтай, дан тэрлэг өмсөхдөө өөртөө тун ч донжтой зохисон номин ногоон өнгийг сонгосон нь мэдрэмжтэйг нь илтгэнэ. Харин номин, шүр тэргүүтэн холилдсон ээмэг, энгэрийн зүүлтээ хослуулахдаа захныхаа гадуур зүүлтээ гаргасан нь илүүдсэн чамирхал болоо юу даа гэж харагдахаар.
            

Манай сайт танд таалагдаж байвал LIKE хийгээрэй. Танд баярлалаа.