Яг одоо Тусгаар тогтнолын ордонд МАН-ын Бага хурал эхлэх гэж байна. Энэ хурлаар тус намын дарга, ерөнхий нарийн бичгийн дарга болон бусад чухал албан тушаалтнуудыг сольж, шинээр томилох юм.  УИХ болон НИТХ-д олонхи болж чадаагүй тул намын дарга С.Батболд, генсек Ү.Хүрэлсүх нар хариуцлагаа хүлээнэ хэмээн ажлаа өгөх өргөдөлөө өгсөн байгаа. Тэдний оронд томилогдох хүмүүсийн нэрс ч тодорч эхэлсэн билээ.    МАН-ын шинэ даргаар УИХ -ын гишүүн Ө.Энхтүвшин томилогдох нь гарцаагүй. Тэгвэл ерөнхий нарийн бичгийн даргад Байгаль орчин, аялал жуулчлалын сайд Д.Цогтбаатар, Гадаад харилцааны сайд Г.Занданшатар, УИХ-ын гишүүн Ж.Сүхбаатар, ХХААХҮ-ийн сайд Х.Бадамжунай нарын нэр яригдаж байна. Ямартаа ч 300 гаруй төлөөлөгчтэй Бага хурал намын дотоод асуудал ярих тул хаалттай болох аж.

Манай сайт танд таалагдаж байвал LIKE хийгээрэй. Танд баярлалаа.