Энэ буурал үстэй эрхэм өнгөрсөн сонгуулиар баатар гэдгээ ёстой нэг батлаад өгсөн билээ. УИХ-ын сонгуульд өрсөлдөх  боломж байсан ч НИТХ-ын сонгуульд залуусаа манлайлан оролцож, ялалт байгуулна хэмээн намын даргадаа байр сууриа илэрхийлж, аль эртнээс л нэр дэвшихгүй энэ тэр гэж гүйж явсан. Тэр ч амандаа хүрч үнэмлэхүй ялалт байгуулсан Э.Бат-Үүл баатрын хувьд ирэх дөрвөн жилд Улаанбаатар хотыг удирдах ажилд хүчин зүтгэхээс гадна нийслэлийн Ардчилсан намыг удирдах амаргүй албыг хашихаар болов. Нийслэлийн Ардчилсан намын зөвлөлдөх хорооны 16 дугаар хурал болж, 97 хүний 96 нь Э.Бат-Үүл гишүүнд итгэл хүлээлгэж, саналаа өгсөнөөр Нийслэлийн Ардчилсан намын даргаар сонголоо.

Манай сайт танд таалагдаж байвал LIKE хийгээрэй. Танд баярлалаа.