Улс төрд уран мэхийг уралдуулан гарч ирсэн эгэлгүй хүчит энэ эрхэм бол Б.Бат-Эрдэнэ. Бөхийн зүлэг ногоон дэвжээнээс Төрийн түшээ болж  бусдын дундаас оройлон гарч ирж байх цагт нийтлэлч Б.Баабар “Хэнтийн гурван мангар”-ын нэгд түүнийг нэрлэж, бөхийн дэвжээнээс хүртсэн нэр хүндээрээ “улс төр” хийх нь хэмээн ард түмний эгдүүцлийг төрүүлж байсан цаг саяхан. Харин одоо тэр улс төрчийн хувьд эрийн цээнд хүрээд зогсохгүй эх орон, газар шорооныхоо төлөө цогтой, тууштай тэмцэгч хэмээх имижийг хэдийнэ авчээ. Алдарт “Урт нэр”-тэй хууль санаачилснаас гадна төрөлх Хэнтийнхээ Бурхан халдуны ойролцоо Хэрлэнгийн хөдөө аралд нефтийн хайгуул хийж байсан хятадуудтай хэдэн жил дамнан дайн зарлаж байж хайгуулын ажлыг нь зогсоож чадсанаараа тэр Хэнтийн баатар болсон. Энэ мэтчлэн их улс төрд орсныхоо хэргийг тун ч сайн гаргаж буй дархан аварга Монгол төр тамирчдын хөлс хүчийг бодитоор үнэлдэг болоход түүхэн гавьяа байгуулсан хэмээн спортынхон ам сайтай байдаг нь аргагүй. Олон улсад амжилт гаргасан тамирчны амжилтыг ихэдлээ гээд 500 мянгаар үнэлдэг байсан бол Баагий аваргын буянаар 26-80 сая хүртэл үнэлдэг болсон хэмээдэг. Хийгүй гишгэж хэл аманд ордоггүй дархан аварга маань Монгол эр хүний жудаг, чанарын  амьд жишээ болж дуугарвал дуугарсан шиг дуугарч, дугтарвал дугтарсан шиг дугтардгийн үлгэрийг үзүүлж яваа түүнийг ангийн нөхөд нь эрийн жудаг хэмээн үнэлдэг гэнэ лээ.УИХ-аар квотын асуудал хэлэлцэгдэхэд 100% дэмжиж буйгаа илэрхийлж эмэгтэй хүнийг хүндэлдэг болохоо илэрхийлсэн энэ эрхмийн хайр хүндлэлийг хүлээж ар талыг нь авч явдаг Болормаа гэгч эрхэмсэг бүсгүй түүнд цэцэг шиг гурван охин төрүүлж өгсөн. Өдгөө түүний үүсгэн байгуулсан “Аварга” дээд сургуулийн захирлын албыг хашиж,буй ажил хэрэгч намбалаг хатагтай охидоосоо оворгүй, гоолиг, гоо сайхнаа хадгалдаг нууц нь ханийнх нь халамжинд оршдог хэмээн ойр дотныхон нь хэлдэг.

Манай сайт танд таалагдаж байвал LIKE хийгээрэй. Танд баярлалаа.