Тэр бол Монголын ард түмний өмнө гавьяатай нэгэн. Арлын орон луу чиглэх сумочдын зам мөрд шан татаж, жим гартал барилдахдаа араасаа олон хүчтэн дагуулсан булган сүүлтэй. Сумогийн ертөнцөд Мэхний их дэлгүүр хэмээх нэрээрээ алдартай тэрээр 10 жилийн сургуулиа дүүргээгүй шахуу арлын орныг зорьсон түүхтэй. Бяр хүчээрээ байлдан дагуулж, оршихуй, орон зайгаа тодорхойлсон Кёкүшюзан Д.Батбаяр зодог тайлсныхаа дараа Японы Весадагийн их сургуульд элсэн орохдоо зөвхөн дипломоор нь нүүр царай хийх гэж орсон гэдэг. Сургуулийнхаа нэрийг ч зөв хэлж чадалгүй ээрч муурдаг байсныг нь ойр дотно байсан хүмүүс ярьдаг бөгөөд зөвхөн дипломын төлөө суралцсан нь эндээс харагддаг.  Энэ парламент дунд боловсролгүй нэг хүнтэй нь Х.Баттулга гэдэг ч үнэн хэрэгтээ энэ тоо 2 юм. Эрхэм сайд диплом худалдаж авч, шоу үзүүлээгүйгээрээ л ялгаатай.

Сумогийн ертөнцөөс гарч, зодог тайлсныхаа дараа эндэх бизнестээ илүүтэй санаа тавих болсон ноён Д.Батбаяр өнгөрсөн сонгуулиар нийслэлийн Сонгинохайрхан дүүрэгт АН-аас нэр дэвшиж ялалт байгуулсан. Гол пиар нь 40 мянган ажилтан Японд гаргана гэсэн амлалт байсан гэдэг. Эрхэм сумочийг улс төрийн алиа салбадай гэхээсээ илүүтэй хэрэггүй хүн гэж болно. Их хуралд гарсныхаа дараа анхны гэргийгээ дуучин бүсгүйгээр сольсон тэрээр ирэх сонгуулиар төрөлх нутагтаа хүч үзэх төлөвлөгөөтэй байгаа гэнэ лээ.   

Манай сайт танд таалагдаж байвал LIKE хийгээрэй. Танд баярлалаа.