МАХН-ын дарга, МУ-ын гурав дахь Ерөнхийлөгч асан Н.Энхбаяраас эхлэн “Сод Монгол”-ын Ц.Анандбазар хүртэл шүүх хуулийн хаалга татаж эхэлсэн нь энэ сонгуулийн том шоунуудын нэг байлаа. Н.Энхбаярыг сонгууль болоход хэдхэн сар үлдсэн байхад гэв гэнэт АТГ-аас шалгалт, байцаалт нэрээр баривчилсан билээ. Урьд өмнө нь энэ албаныхан юугаа ч хийж байсан юм гэж ярьж байгаа. Чив чимээгүй байж байгаад л гэнэт ийн шалгаж,  нэр дэвших эрхийг нь түтгэлзүүлээд бүр цаашлаад баривчилсныг сонгуультай холбоотой гэдгээс өөрөөр юу гэж тайлбарлах вэ. Ерөнхийлөгч асан битий хэл хаа хол аймгийн засаг дарга нараа ээлж дараалан аавын хаалга татуулж эхэлж байгаа энэ сонгуулийн үр дүн ямар гарах бол гэсэн айдас ард түмний дунд байгаа. Үүгээр ч дуусахгүй цахим үнэмлэх гэж сонгуулийн бас нэг гол баатарын  “дуулиан” байна. Ингээд яриад байвал энэ сонгуулийн санал хураалт аль хэдийн дууссан юм уу гэмээр. Өмнө нь төр барьж байсан эрхэм төрийн түшээд ээлж дараалан аавын хаалга татаж байгаа нь сонгуулийн захиалгат үйл ажиллагаа юу , хэлмэгдүүлэлт үү гэсэн сэдвээр сонгуулийн өмнө ард иргэдээс санал хураалт авбал илүү идэвхитэй оролцоно гэнэ шүү...