Ирэх сонгуулийн хамгийн ширүүхэн бас халуухан тулаан Баянголд болно. Ялангуяа МАНАН-ын дунд өрсөлдөөн ширүүсэх нь тодорхой болоод буй. МАН-аас ХЗДХ-ийн сайд асан Ц.Мөнх-Оргил, дүүргийн засаг дарга Л.Амгалан нар байгаа бол АН-аас УИХ-ын гишүүн С.Эрдэнэ, “Иргэн та баялаг сан” ТББ-ын тэргүүн, Монголдоо л толгой эдийн засагчдын тэргүүн эгнээнд  бичигддэг С.Одонтуяа  гэх хүмүүс байгаа.
УИХ-ын гишүүн С.Эрдэнийн хувьд Баянгол дүүргээсээ урваж шарваж байгаагүй улстөрч. Түүний хувьд дүүргийн Засаг дарга байх үеэсээ эхлэн УИХ-д дөрвөнтөө өрсөлдөөд өвдөг шороодсон гэдэг. Гэвч С.Эрдэнэ харин ч нэг байдгаа зориулан, сайн муугаараа хэлүүлэн байж УИХ-ын энэ зөөлөн сэнтийдээ заларсан. Бусадыгаа бодвол бас ч гэж хал үзэж халуун чулуун долоочихсон гэж байгаа. Тэр нь УИХ-ын гишүүний бүрэн эрх нь баталгаажиж халдашгүй байдал нь үүсчихсэн үедээ Ганц худагт гурван cap хоригдоод амжсан явдал нь юм гэнэ лээ. Гэхдээ үүнийгээ өнөөдрийг хүртэл юман чинээ санаж явдаггүй гээд бодоход юм юмны зах зухыг мэддэг шаггүй нөхөр бололтой.

АН-ын ҮЗХ-ны гишүүн,  , “Иргэн та баялаг сан” ТББ-ын тэргүүн С.Одонтуяа хэмээх энэ хатагтайн хувьд эдийн засгийн мэдлэгээрээ хэний ч дор орохгүй боловсролтой бас айхтар чамбай нэгэн. Тус тойрогт өмнө нь нэг удаа өрсөлдөөд өвдөг шороодож байсан ч зорилгоосоо ухралгүй дахин азаа үзэж байгаа нь энэ. Нийслэлийн ИТХ-ын гишүүн тэрээр нийслэлд сонгогдсоныхоо хувьд нийслэлийн иргэдийн тулгамдсан асуудлыг хэнээр ч заалгахгүй мэддэг бас түүний төлөө санаа тавьдагаараа давуу талтай гэдэг.

Харин Л.Амгалан хэмээх энэ эмэгтэйн хувьд дүүргийн засаг даргаар чамгүй олон жил чамлахааргүй их хэл аман дор ажиллаж буй.  Нам, нөхөр 2-ыг хэд хэдэн удаа солиод авсан, дүүргийн засаг болохын тулд авилга хээль хахуул нэлээдгүй өгсөн, тэгээд мөн дүүргийн хөрөнгийг завшсан энэ тэр гээд  л Л.Амгаланг тойрсон өч төчнөөн хар, шар мэдээллүүд орчлонгоор нэг тарсан. Гэвч тэр бүхнийг даван туулаад өдий зэрэгтээ явж байгаа түүнийг сонгохгүй гэх шалтгаан байхгүй болов уу. Хүн бүр тэгж л дээшээ гардаг  хойно.

ХЗДХ-ийн сайд асан энэ эрхмийн хувьд улс төрийн талбарт сонирхолтой кадруудын нэг гэгддэг. Үргэлж сэтгүүлчдийн анхаарлын төвд байдаг атлаа тэр болгон алдаа гаргаад байдаггvй чамбай улстөрч гэдгийг олон хүн хүлээн зөвшөөрөх байх. Ц.Мөнх-Оргилын нэг тэнэг гэмээр ихэмсэг сонирхол нь гольфийн спорт. Цаг зав гарах л юм бол тэндээ хүүгээ дагуулан тэнүүчилж явдаг түүнд гольф нь улс төрөөс ч илүү сонирхолтой бас хэрэгтэй байж магадгүй. Гэхдээ тэр хуульзүйн сайд байхдаа бас ч гэж хийсэн зүйл, хэлэх үгтэй ажилласан гэхэд буруудах зүйлгүй болов уу. Хуулийг гууль болгон завхруулдаг, өөрсдийгөө оройн дээд орчирваань мэт өргөмжлөн, ядарсан, зовсон, дээшээ тэнгэр хол доошоо газар хатуу болсон иргэдээс амандаа багтсан мөнгө нэхэж “шантаажилдаг” даварсан өмгөөлөгчдийн хандыг Ц.Мөнх-Оргил сайд хага дарж чадсан хэмээн салбарынхан нь ярьж байсан удаатай. Тэгэхээр энэ хүний хийсэн бүтээсэн зүйлийг үнэлэх хэрэгтэй болов уу.

Манай сайт танд таалагдаж байвал LIKE хийгээрэй. Танд баярлалаа.