Засгийн газрын Хэрэг эрхлэх газрын дарга Ч.Хүрэлбаатар хэмээх энэ эрхмийн талаар элдэв хар, шар янз бүрийн яриа, хов жив чих дэлссээр дөрвөн жилийг элээв. Ялангуяа  “Тендерчин” хэмээх энэ сайхан өргөмжлөл түүний нэр шиг дархлагдсан гэхэд болно. Ч.Хүрэлбаатарыг өнгөрсөн сонгуулиар Увс аймгаас бараг нэгээр гарсан гэх юм билээ. Их мөнгөний авдрын түлхүүрийг атгалцаж, Түлш, эрчим хүчний салбарыг удирдаж байсан хүн гэхэд нэр цэвэр байсан болохоор нь увсчууд түүнийг ногоон гэрлээр сонгосон болов уу. Гишүүнийхээ хувиар ч, сайдынхаа хувиар ч түүний нэр хүнд төдийлөн сэвтчихээгүй байгаа болохоор ирэх сонгуульд нилээн горьдлоготой төдийгүй МАН-ын найдвар хэмээгдээд байгаа.  Гэхдээ өөгүй хүн гэж юу байхав. Мань хүн түлш эрчим, хүчний сайд байхдаа салбартаа зарлагдсан ихэнхи тендерийг өөрийн нам болон танил тал, хамаатан садангууддаа давуу эрхээр өгч, түүнээс хишиг хүртэж дээрх нэрээ авсан буюу тендерээс төрсөн тэрбумтануудын жагсаалтанд орсон. Энэ тэндэхийн тендер бүр л түүний гараар дамжиж, халаасыг нь мялаагаад өнгөрдөг гэнэ лээ. Ямар сайндаа л хүмүүс “ Хүрэлбаатарын баяжсан, ард түмний ядуурсан хоёр яг тэнцэнэ” хэмээн хошигнож суухав дээ.

Манай сайт танд таалагдаж байвал LIKE хийгээрэй. Танд баярлалаа.