МАХН-ын дарга Н.Энхбаярын шүүх хурал Сүхбаатар дүүргийн шүүх хуралд 10:00 цагт эхэлсэн бөгөөд энэ сарын 12-ны өдөр хүртэл хойшлогдлоо. Шүүх хуралд том хүү Э.Батшугар Сүхбаатар дүүргийн шүүх дээр түрүүлж ирээд аавыгаа тосож авсан бол эхнэр Цолмон нь дагаж ирсэн юм. Шүүх хурал болж байхад Цолмонгийн ээж гадаа нь дуустал хүлээж зогслоо. Шүүх хурал хойшлогдсны учир нь Н.Энхбаяр Г.Ганбаатар өмгөөлөгчөөс татгалзаж оронд нь Б.Оюунбилэгээр өмгөөлүүлэхээ мэдэгдсэн байна. Шинээр томилогдсон өмгөөлөгч хавтас хэрэгтэйгээ танилцах тул ийнхүү хойшлогдсон байна.