МАН-ынхан сонгуулийн сурталчилгаагаа өчигдөр албан ёсоор эхлэв бололтой. Хүүхдийн эрхийг хамгаалах өдрийг тохиолдуулан МАН-ын нэр бүхий гишүүд хөөрхөн хөгжилдөөд хажуугаар нь “Пиар”-аа хийгээд авч байгаа харагдана лээ. Уг нь урьд өмнөх жилүүдийн хүүхдийн баяраар ингэтлээ олуулаа цуглаж байсан нь юу л бол. Тэгээд ч ирсэн нэг нь үг хэлчихээд алга болдог байсан санагдах юм. Тэгтэл мань хэд өчигдөр өдрийн бүтэн хүүхдүүдийг дагаж шидтэн, үлгэрийн баатрууд шиг л харайлгасан юм байх. Хамт бүжиглээд л өвөр түрүүн дээрээ эрхлүүлээд л, зурагтын камер энэ тэрийн урдуур болж өгвөл шургачих гээд бөөн сүр бадраасан сурагтай. Ёстой л нэг чадаж байгаа юманд арга байхгүй ээ гээч болоодхов. Ямартаа ч АН-ынханд л гэхэд өнөөдрийн өдөр ямар нэгэн юм сэдэхгүй бол цаадуул чинь урьтчих гээд байна шүү.