Энэ жилийн хувьд Дорнодынхон нэлээд халуухан сонгууль хийх бололтой. МАН-аас тус тойрогт дэд сайдуудаа сойхоор зэхэж буй бол АН-аас П.Алтангэрэл гишүүнийг дахин нэг тавиад азаа үзэх гэж байгаа. Мөн Мянганы сорилтын сангийн Б.Отгонбат хэмээх сураггүй эрхмийг суудал горилуулахаар болсон гэх. МАН-ын хоёр элч буюу НХХ-ийн дэд сайд Н.Номтойбаяр, БСШУ-ны дэд сайд Б.Ундармаа нарын хувьд найдлага их байгаа гэх юм билээ. Эцгийн нэр, хөрөнгөөр энэ зэрэгтээ яваа Номтойбаярын тухайд гэвэл Дорнодынхон аль хэдийнээс л түүнийг гарын бэлгийг хүртчихсэн болохоор яалтай ч билээ. Харин Б.Ундармаагийн хувьд Дорнодын хэдэн багш нарыг атгачихсан гэхэд болно. Сургалт семнар юу л байна тэр болгонд урьд хойно гарч уриалан дуудсаар бүр сэтгэлийг нь эзэмдчихсэн. Тэгэхээр АН-ын хоёрт найдлага бараг л алга гэж болно. Тэр Б.Отгонбатыг хэн ч танихгүй, хэн ч мэдэхгүй болов уу. Харин гишүүний хувьд үл ялиг найдлага байх ч өнгөрсөн сонгуулиар ярьж өгсөн үлгэр нь Дорнодынхонд дахиж таалагдахгүй л болов уу.

Манай сайт танд таалагдаж байвал LIKE хийгээрэй. Танд баярлалаа.