МАХН-ын дарга Н.Энхбаярын бие муудаж дээр дооргүй л сандралд орж буй. Ард түмэн хайран хүн хэмээн халаглаж зарим нэг нь нүдэндээ нулимстай суугаа бол дээд албаны хэдэн нөхөд нь амиа алдчих вий хэмээн айж яахаа мэдэхгүй сандарч суугаа. Хэрэв Н.Энхбаярыг гэм буруугүй гээд үзчихвэл УИХ-д суудал авч, өөрийг нь өвдөг сөхрүүлсэн хүмүүстэй тооцоо бодож нэг гай болно, үргэлжлүүлэн хорьвол өлссөөр байгаад үхэж бас гай болно гэдэгт л тэд анхаарлаа хандуулж буй. Одоогоор ямар нэгэн шийдэлд хүрээгүй ч мань хүнд холбогдох хэргийг Дээд шүүхээс харьяалал тогтоон Сүхбаатарт дүүргийн шүүхэд өнөөдөр шилжүүлсэн гэнэ. Түүнийг зах зээлийн үнэлгээгээр 605 сая төгрөгийн үнэтэй нийслэлийн өмчийг үнэгүйдүүлж завшсан, 2.1 тэрбум төгрөгөөр үнэлэгдэх нийслэлийн өмчит үйлдвэрийн газрыг үнэгүйдүүлж завшсан, 113.4 мянган ам.долларын үнэ бүхий телевизийн 11 нэр төрлийн 46 ширхэг тоног төхөөрөмжийг албан тушаалаа ашиглан хувьдаа завшсан, төрийн өмчийг онц их хэмжээгээр үрэгдүүлсэн гэх үйлдлийг нь шалгаж яллах дүгнэлт үйлджээ. Н.Энхбаярыг Эрүүгийн хуулийн тусгай ангийн 150 дугаар зүйлийн 150.3-д зааснаар гэм буруутайд тооцон шалгаж байгаа аж. Хэрэв шүүхээр гэм буруу нь тогтоогдвол 5-10 жилийн хорих ялаар шийтгүүлнэ гэнэ лээ. Ямартаа ч Н.Энхбаяр дарга сэхээнд орохоосоо өмнө мэдэгдэл гаргасныг ард түмэн мэдэж байгаа. Тэнд хэд хэдэн хүний нэрийг цохон дурьдсан байсан. Тэгэхээр тэр нөхдүүдийн байдал хүнд болох нь дамжиггүй. Мөн Н.Энхбаяр хэнд гай болох нь ч тодорхой болсон. Үхсэн ч сэхсэн ч. Тиймээс улс төрийн хэрэгтэн болох уу, учраа олж гавьяатан болох уу гэдэг л байна. Иргэд үүнийг л хүлээж байна. Эрхэм хүндэт Ц.Элбэгдорж, Ц.Нямдорж тэргүүтнүүдээ.

Манай сайт танд таалагдаж байвал LIKE хийгээрэй. Танд баярлалаа.