МАН-ын зодуулсан, зодуулаагүй хэдэн нөхөд буюу Ч.Улаан, Д.Тэрбишдагва, О.Чулуунбат, Р.Раш, Д.Балдан-Очир зэрэг нэр бүхий найман гишүүн хууль зүйн сайдаа хусахаар шийдэж  УИХ-ын дарга Д.Дэмбэрэлд шаардах бичиг өргөн барив. Учир нь экс ерөнхийлөгч Н.Энхбаярыг Мөнгөн морьтруу авч явсантай холбоотой юм байх. Н.Энхбаяр даргыг АТГ-ын хэдэн булиа том биетэй нөхдүүд авч явахад хамт байсан гурван гишүүний биед халдан буйдан дор үлдээсэн нь тэдний зэвүүцлийг хүргэсэн гэнэ. Ямартаа ч өнгөрөгч долоо хоногт болсон хүний эрхийг уландаа гишгэсэн тийм аймшигт зүйл болсоныг тухайн үед хууль зүйн сайд мэдээгүй байсан нь хачирхалтай байгаа бөгөөд энэ талаар ямар нэгэн арга хэмжээ авахыг тэд шаардах буй аж. Түүгээр ч барахгүй цагдаагийн олон арван албан хаагчид тэнд сүрийг үзүүлэн зогсож байсан нь Ц.Нямдоржийн явуулга хэмээн үзсэн гэнэ.

Манай сайт танд таалагдаж байвал LIKE хийгээрэй. Танд баярлалаа.