2018 оны хөлбөмбөгийн Дэлхийн аварга шалгаруулах тэмцээн зургадугаар сарын 14-нөөс долдугаар сарын 15-ны хооронд ОХУ-ын 11 хотод  зохион байгуулагдана.

Дэлхийн аваргын  талбайд монгол хүүхэд анх удаагаа гарч, бөмбөг гардуулах аз тохиол бүрдсэн бөгөөд цорын ганц монгол хүүхдийг тодруулах зорилгоор "My Dream Kia" эссэ бичлэгийн уралдаан зохион байгуулсан юм.

Уралдаанд 10-14 насны хүүхэд монгол болон англи хэл дээр 300-450 үгтэй эссэ бичиж оролцох боломжтой байсан бөгөөд өнөөдөр ялагчийг тодрууллаа.

Хөлбөмбөгийн Дэлхийн аваргын ногоон талбайд бөмбөг барин, тоглолт эхлүүлэх анхны монгол хүүгээр “Шинэ монгол” сургуулийн тавдугаар ангийн сурагч Ө.Амар шалгарчээ.

2018 оны хөлбөмбөгийн Дэлхийн аварга шалгаруулах тэмцээний тоглолт тус бүрийг 25 улсаас шалгарсан 64 хөтөч хүүхэд эхлүүлэх бөгөөд тэдний нэг нь Ө.Амар болох нь ээ.  

Б.БИЛЭГ