Өнгөрсөн тойрогт “Хангарьд”-ыг буулган авч улирлын анхны хожлоо аваад байсан “Андууд сити” клуб өчигдөр гуравдугаар тойргийн хүрээнд “Сэлэнгэпресс”-тэй тоглож, 2:1-ээр хожлоо. Зүгээр ч нэг хожил бус эхний хагаст хожигдож яваад шийдвэрлэх үед хоёр гоол оруулан, эргэн ирэлт хийж өнөөдөр гурван оноо авсан нь “Андууд сити”-ийн залууст сэтгэл зүйн том бэлэг болох нь дамжиггүй. Нэгдүгээр үеийн минутад “Сэлэнгэдпресс”-ийн довтлогч Жон Эдвард гоол оруулж, улирлын анхны гоолоо өөрийн нэр дээр бичүүлэв. Гэвч дээр дурдсанчлан шийдвэрлэх үед тоглолтын үр дүн “Андууд сити”-ийн талд шийдэгдсэн юм. Баруун жигүүрийн хамгаалагч С.Дөлгөөн алсын зайнаас гүйцэтгэсэн цохилтоороо гоёмсог гоол оруулж, тоог тэнцүүлсэн. Харин хожлын гоолыг өнгөрсөн тойрогт “Хангарьд”-ын хаалганд гоол оруулж багаа хожилд хүргээд байсан Б.Хаш-Эрдэнэ оруулж, хоёр тоглолт дараалан ялалтын гоолыг орууллаа.

Эх сурвалж: МХБХ