Хан-Уул дүүргийн иргэн, жүдо бөхийн тамирчин Ц.Алтанзул 2018 оны 5 дугаар сарын 10-13-ны өдрүүдэд Ливан улсын Бейрут хотод зохион байгуулагдаж буй жүдо бөхийн Ази тивийн аварга шалгаруулах тэмцээний  эмэгтэйчүүдийн 63 кг жинд Монгол улсаа төлөөлөн оролцохоор хүлгийн жолоо залж байна. 

Ц.Алтанзул нь 10 настайгаасаа эхлэн жүдо бөхийн спортоор хичээллэсэн бөгөөджүдо, самбо, жюү жицү бөхийн өсвөр үе, залуучуудын улс, бүс, орон нутгийн тэмцээнээс нийт 18 медаль хүртсэн ирээдүйтэй залуу тамирчин. Түүнд амжилтаа ахиулан олон улсын тэмцээнд амжилттай оролцохыг хүсэж итгэл хүлээлгэн Хан-Уул дүүрийн Засаг дарга Ж.Алдаржавхлан 1.000.000 төгрөгийн дэмжлэг үзүүлж, “Батламж”-ийг гардуулан өглөө.