"Будапешт-2017" жүдо бөхийн дэлхийн аварга шалгаруулах тэмцээний хүрэл медальт, Монгол Улсын Гавьяат тамирчин Г.Одбаярын цолны мялаалга, хүндэтгэлийн ёслол өчигдөр (IV.21) Баянгол зочид буудалд боллоо. Жүдочид, спортынхны хур буусан найрын эзэн Г.Одбаяр бол жүдо бөхийн шигшээ багийн энэ цаг үеийн хамгийн шилдэг тамирчдын нэг.

1989 оны 8 сарын 20-нд төрсөн.

Дэлхийн аваргад хувийн амжилтаар хүрэл медаль хүртсэнээс гадна 2015 онд багийн Дэлхийн аваргад мөн хүрэл медалийн эзэн болсон. Инчён-2014 наадмын 73 кг-ын жинд мөнгө, 2015 оны Азийн аваргаас хүрэл, 2017 онд мөнгөн медаль хүртэж байсан. 

Спортын хүмүүст ховор харагддаг даруу зан, яаруу адгуу биш, хор шаргүй, тайван, хүлээцтэй байдал нь харин ч түүнийг чимдэг.  Спортын өндөр амжилт хүсье.