Монголын хөлбөмбөгийн холбоо "Андууд сити" ХХК-тай 2018-2022 оныг хүртэл хамтран ажиллах тохиролцоонд хүрч, гэрээ байгууллаа. Шинэ ивээн тэтгэгч "Мазала" брэнд Үндэсний дээд лиг болон үндэсний нэгдүгээр лигийн шагналын санг нийт 200 сая төгрөг болгон өсгөжээ. Өмнө нь "Арвайн үндэс" компани "Хүрхрээ" лигийн жилийн 100, дөрвөн жилийн 400 сая төгрөгөөр ивээн тэтгэн, Монголын хөлбөмбөгийн лигийн хөгжилд өндөр хувь нэмэр оруулж эхэлсэн байдаг. 

Дээд лигийн тоглолтуудын тоглолт бүрийн тасалбар бүрээс 100 төгрөг, мөн "Мазала" брэндийн борлуулсан ширхэг бүрийн 10 төгрөг нь "Мазаалай хамгаалах сан"-д дэмжлэг болж очих аж. 

Монголын спортын түүхэнд тэмдэглэгдэн үлдэх өндөр шагналын сантай "Мазала" лигийн хэвлэлийн бага хурал өнөөдөр Монголын хөлбөмбөгийн холбооны байранд болсон юм.